Pianistja Ana Kaçinari, vajza e Alfred Kaçinarit rrëfen në emisionin “Bilardo” në MCN Tv se vjen nga një familje muzikantësh dhe për rrjedhojë ka nisur që të marrë mësime në mënyrë profesionale që në moshën 5 vjeçare. Ajo tregoi se në vegjëli nuk di se si ta menaxhosh kohën, por tregon se ka patur fatin që është rritur me art të mirëfilltë në shtëpi dhe kujton se i ati i thoshte “ose i pari, ose fare”. E pyetur për mendimin që ka për instrumentistët që luajnë në dasma apo evente, Kaçinari tha se në periudhën e pandemisë, duke qenë se kishte më shumë kohë, pati mundësi të punoj me vëllanë e saj, Gjergj Kaçinari dhe punuan një pjesë klasike. “Menduam të bënim një pjesë klasike, ti jepnin një ritëm, ishte Për Eliza dhe menduam ta risillnim për arsyen e vërmë që ata që u duket muzika klasike e paarritshme dhe nuk kanë lidhje me të, apo pa asnjë lloj lidhje me jetën e vetë ta ndjejnë veten më afër. I bëmë një ndryshim, një remiks, për ta risjellë. Dëshira për të qenë afër publikut ka qenë dhe e imja.” Kaçinari tha se ajo është pedagoge në Universitetin e Arteve, dhe një nga gjërat më të vështira që ka në punën që bën është motivimi i studentëve. “Absolutisht muzikantë kemi prodhuar, por është ajo pjesa që ke mbaruar universitetin, që çfarë të ofron. Pjesa e motivimit për të ardhmen që i pret. Muzika e sotme është një tmerr. Edhe muzika botërore po merr një rrugë jo të mirë. Jemi në fast food muzikor. Një javë të shkon hiti 1 milion, 2 milionë dhe më pas harrohesh. Nëse do isha ministre Kulture për të rregulluar artin, do ndërhyja direkt te media. Servirja që i bëhet publikut lë për të dëshiruar. Në momentin që hedh muzikë klasike të shkon 200-300 views, kur i ndërhyn e bën më ritmike, rritet shikueshmëria. Media ka në dorë gjithë edukimin. Si ministre unë do u jepja projekte artistëve, ndryshe nga ministria sot që nuk u jep. Ka shumë të bëjë pjesa e mbështetjes dhe aktivitetet që kanë të bëjnë me kulturimin e brezave të rinj dhe edukimit.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
