Ish-deputeti i Partisë Demokratike Belind Këlliçi tha se ngutja me të cilën Presidenti Begaj nxorri dekretin për zgjedhjet në Himarë tregon nevojën që ka Rama për të vjedhur Bashkinë e Himarës.
Më tej, Këlliçi tha se për të përcaktuar kandidatin për Bashkinë Himarë do të përdorët e njëjta formulë si në zgjedhjet e kaluara.
Arsyeja është e thjeshtë. Ende në Bashkinë Himarë nuk ka vakancë. Dektreti i Presidentit Begajt është i paligjshëm. Është e drejtë kërkesa e Belerit. Ngutja me të cilën veproi Presidenti Begaj, me një shkresë nga Sekretari i Kryeministrisë tregon nevojën që ka Rama për të vjedhur Bashkinë e Himarës.
Sot nuk ka një kandidat nga opozita. Bazuar në marrëveshjen dhe në zgjedhjet e kaluara të koalicionit me të cilin ne garuan dhe në zgjedhjet e kaluara kjo zonë iu la e lirë aleatëve tanë, në këtë rast PBDNJ-SË. Edhe në këtë rast do të operohet me të njëjtën formulë. Do duhet të ketë dakordësi nga tryeza e partive të koalicionit opozitar.
Mund të jetë kandidaturë, por sot që flasim nuk ka kandidaturë zyrtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
