Qeveria e ka transferuar tokën e Teatrit Kombëtar në pronësi të Bashkisë. Pra sipërfaqja e tokës, ku dikur ishte Teatri Kombëtar, do i kalojë në pronësi bashkisë së Tiranës.
Pas vendimit të Gjykatës Kushtetuese, që rrëzoi VKM-në e vitit 2020 që kalonte teatrin nga Ministria e Kulturës te Bashkia e Tiranës, qeveria ka hartuar projektvendimin e ri që i kalon bashkisë tokën ku ishte teatri.
Mësohet se në vendim thuhet se Bashkisë Tiranë i ndalohet të ndryshojë destinacionin e pasurisë të këtij vendimi, ta tjetërsojë atë apo t’ua japë të tretëve në përdorim.
Gjithashtu pasuria e përcaktuar në pikën 1, të këtij vendimi, i shtohet listës përfundimtare të pjesshme të pronave të paluajtshme publike shtetërore, miratuar me vendimin nr.219, datë 21.3.2017, të Këshillit të Ministrave, “Për miratimin e listës përfundimtare të pjesshme (pjesa e parë + pjesa e dytë) të pronave të paluajtshme publike shtetërore, që transferohen në pronësi ose në përdorim të njësisë administrative Tiranë, Bashkia Tiranë, të Qarkut të Tiranës”, të ndryshuar.
Projektvendimi pritet të miratohet në mbledhjen e ardhshme të Këshillit të Ministrave dhe hyn në fuqi pas botimit në “Fletoren zyrtare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
