Është prezantuar sot projekti i Portit të ri Tregtar të Durrësit në Porto Romano nga studio holandeze “Royal Haskoning DHV” dhe qeveria e vendit, gjatë së cilës u bë e ditur se 46% e vlerës së investimit do të financohet nga qeveria shqiptare, ndërsa pjesa tjetër, 54% do të financohet nga kompania ndërtuese.
Lidhur me këtë gazetari i ekonomisë, Klodian Tomorri, tha se teksa deri dje u përbetua se për projektin nuk do të paguhet asnjë para nga buxheti i vendit, sot del të bëhet fjalë për një partneritet të pastër publik privat.
Ky është një partneritet publik privat, i pastër. Ajo që mësuam sot nga prezantimi i projektit ishte fakti që gati gjysma e tij do të ndërtohet me kontribut drejtpërdrejtë të buxhetit të shtetit me para të buxhetit.
Pra nëse deri dje, qeveria, drejtori i Autoriteit Portual të Durrësit, kanë deklaruar publikisht në komisionet parlamentare, që në Portin e ri Tregtar të Porto Romanos nuk do të paguhet asnjë lek nga buxheti i shtetit, por projekti do të financohet me fitimet që do të vijnë nga fitimte nga arabët, pra nga porti turistik.
Sot kemi një përmbysje të gjithë këtij qëndrimi dhe ashtu siç u prezantua sot 46% e financimit të portit të ri tregtar do të financohet me paratë e buxhetit, që do të thotë nëse në fazën e tij të parë do të kushtojë 390 milionë €, 180 milionë €, do të paguhen nga paratë e taksave të qytetarëve përmes buxhetit të shtetit, ndërsa pjesa tjetër 210 milionë € do të financohen nga Autoriteti Portual i Durrësit, pra fillimisht do të ndërtohet me parat e kompanisë që do të shpallet fituese dhe më pas, këto para do të shlyhen me këtë nga APD, në të dyja rastet janë para publike pra i gjithë projekt do të financohet me para publike.
Tomorri shpreh dyshime se si do të shlyhet pjesa e saj nga ana e Autoritetit Portual të Durrësit, teksa bëhet fjalë për 210 milion € në kohen kur fitimet vjetore të tij shkojnë deri në 4 milionë €.
Ajo që kam dyshime apo kam rezerva është fakti se a do të mundet Autoriteti Portual i Durrësit të përballoj një mundësi financiar të këtij lloji.
Ttë paktë nga të dhënat që ne kemi për tregues aktual, rezulton që mesatarisht në një vit APD fiton rreth 3-4 milion € në vit dhe për të shlyer 210 milion € që do të nevojiteshin 70 vjet, por me sa duket ata që kanë prezantuar projektin presin që në portin e ri tregtar të ketë më shumë aktivitet portual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
