Rama: Kurti dhe Vuçiç të ulen në tryezë, nëse situata kthehet në përplasje do të ketë pasoja për të gjithë

Kryeministri Rama tha sot se nëse Kosova dhe Serbia duhet të rikthehen në tryezën e bisedimeve për të normalizuar marrëdhëniet, pasi në të kundërt pasojat do të ishin fatale. Rama tha situata mes Kosovës e Serbisë nuk favorizon asnjë fuqi, përveç Rusisë, ndërsa shtoi se rajoni i Ballkanit Perëndimor nuk i përket “as Albinit dhe as Aleksandrit”. Rama tha se Franca dhe Gjermania duhet të ndërhyjnë, në mënyrë që palët të kthehen te marrëveshja bazë. “Është e nevojshme që presidenti i Francës dhe kancelari i Gjermanisë të ndërhyjnë. Vajtje-ardhjet në Bruksel janë kohë e humbur. Situata në terren degradon përditë, edhe kur duket, edhe kur nuk duket. Shpërthimi i situatës në formën e një përplasjeje do të kishte pasoja për të gjithë. Është e rëndësishme që të dy liderët të merren e të mbyllen brenda në një konferencë nën kujdesin dhe trysninë e kumbarëve të planit që është dakordësuar në bazë”, tha ai.