Elon Musk ka akuzuar Apple se po favorizon OpenAI brenda App Store-it të saj.
Sipas tij, gjigandi amerikan po i bllokon të gjitha kompanitë e tjera, përveç OpenAI, që të arrijnë në krye të listave të dyqaneve dixhitale të iPhone dhe iPad.
"Apple po sillet në një mënyrë që e bën të pamundur për çdo kompani të IA-së, përveç OpenAI, që të arrijë vendin e parë në App Store", shkroi ai këtë mëngjes në faqen e mediave sociale X, "gjë që përbën një shkelje të qartë të rregullave të antitrustit".
Musk parlajmëroi se “X AI do të ndërmarrë menjëherë veprime ligjore."
Themeluesi i xAI, i cili zhvillon chatbot-in Grok dhe pronari i X, ngriti shqetësime se Apple po angazhohet në favorizim duke mos nxjerrë në pah produktet e konkurrentëve.
Rivaliteti midis Musk dhe Altman është i hershëm, që daton që nga bashkëthemelimi i OpenAI, përpara ndarjes së tyre të mëvonshme. Aktualisht, ChatGpt i OpenAI është aplikacioni falas më i shkarkuar për iPhone në Shtetet e Bashkuara, ndërsa Grok është në vendin e pestë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
