Milani i Stefano Piolit po tregon një formë mjaft pozitive në javët e fundit të Seria A. Pasi mposhti Juventusin dhe barazoi me Napoli ‘djalli’ sot ka likuiduar edhe Parmën me rezultatin 3-1, për llogari të javës së 33 të kampionatit.
Në San Siro të parët që kaluan në avantazh ishin miqtë me Kurtic në fundin e pjesës së parë, ndërsa në fraksionin e dytë të lojës Milani realizoi tre herë Kessie, Romagnoli dhe Calhanoglu.
Ndërkohë një hap të gabuar ka hedhur skuadra e Napolit që ka barazuar 1-1 në transfertë me Bologna. Për pasojë Napoli ka vendosur në pikëpyetje vendin e gjashtë në Seria A, pasi Milani e ka barazuar me kuotë të përbashkët pikësh 53.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
