Aktorja Kirstie Alley, e njohur më së shumti për rolin e saj në serialin komedi Cheers në vitet 1980 dhe 90, ka vdekur nga kanceri në moshën 71-vjeçare, sipas një deklarate të familjes.
“Me keqardhje ju njoftojmë se nëna jonë e dashur ka ndërruar jetë”, kanë shkruar fëmijët e saj.
Alley fitoi një çmim Emmy dhe një Golden Globe për rolin e saj si menaxhere një pijetoreje dhe kameriere në serialin e njohur televiziv.
Ylli i lindur në Kansas u shfaq gjithashtu në serinë e filmave Look Who's Talking dhe në serialin televiziv Veronica's Closet.
Deklarata e familjes nuk specifikoi se çfarë kanceri kishte ajo, por tha se ishte "vetëm i zbuluar së fundmi".
“Ajo ishte e rrethuar nga familja e saj më e ngushtë dhe luftoi me forcë të madhe, duke na lënë me sigurinë e gëzimit të saj të pafund të të jetuarit dhe çfarëdo aventure që na pret. Aq sa ikonë ishte në ekran, ajo ishte një nënë dhe gjyshe edhe më e mahnitshme”, vazhdoi ajo.
Ata vlerësuan gjithashtu "zellin dhe pasionin e saj për jetën, fëmijët, nipërit dhe kafshët e saj të shumta, për të mos përmendur gëzimin e saj të përjetshëm të krijimit".
Ajo u shfaq në 147 episode pasi iu bashkua shfaqjes në kulmin e popullaritetit të saj në 1987 dhe vazhdoi të shfaqej deri në fund të tij në 1993.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
