Lukashenko: Nëse Perëndimi sulmon Bjellorusinë, Minsku dhe Moska do të përgjigjen menjëherë

Nëse Perëndimi sulmon Bjellorusinë, Minsku dhe Moska do të përgjigjen menjëherë me të gjitha llojet e armëve.

Kështu deklaroi lideri bjellorus, Aleksandër Lukashenko, duke folur në Asamblenë Popullore të Bjellorusisë.

Ne jemi të vendosur t’i rezistojmë çdo agresori dhe t’i shkaktojmë atij dëme të papranueshme.

Për Lukashenkon ka shumë gjasa që Bjellorusia t’i nënshtrohet “provokimeve” nga ushtria ukrainase.

Sipas tij, situata në kufijtë jugorë të Bjellorusisë po bëhet gjithnjë e më e tensionuar.

Në afërsi të kufirit bjellorus, një grup i konsiderueshëm i ushtrisë ukrainase është i përqendruar, rreth 120 mijë njësi.

Autoritetet bjelloruse kanë marrë masa për të formuar një sistem linjash, rrethesh dhe pozicionesh mbrojtëse që po përmirësohen vazhdimisht.

Sipas Lukashenkos, ukrainasit kanë minuar të gjithë kufirin me Bjellorusinë.

Lideri i Minskut akuzoi ushtrinë ukrainase për veprime sistematike provokuese dhe demonstrative kundër punonjësve të zbatimit të ligjit bjellorus të pozicionuar në kufi.

Probabiliteti nga ana e njësive ukrainase për provokime të armatosura që mund të kthehen në incidente në kufi është mjaft i madh.