Prej disa javësh, Justin Bieber dhe Ariana Grande kishin njoftuar bashkëpunimin e tyre të parë.
Kënga “Stuck with you”, tashmë është publikuar. Klipi i këngës është mjaft i thjeshtë, i bërë në kushte shtëpie dhe pjesë e tij janë bërë edhe fansat e dy këngëtarëve.
Justin dhe Ariana kanë bërë me dije se të gjitha të ardhurat mbi këtë projekt do të shkojnë për bamirësi.
“Të ardhurat nga shitjet e këngës “Stuck With U” do të shkojnë për fondacionin e fëmijëve që do të financojnë bursat e shkollave të fëmijëve të punonjësve të kujdesit shëndetësor, teknikë mjekësorë të urgjencës, policë dhe zjarrfikës që shërbejnë në vijat e para gjatë pandemisë globale”, thanë ata pak ditë më parë.
Kënga është pritur mjaft mirë nga fansat e këngëtarëve dhe në pak orë ka arritur më shumë se 1 milion klikime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
