Avokati Dorian Matlija nw emisionin “Tw Paekspozuarit”nw MCN TV deklaroi se procesi gjyqësor për tragjedinë e shpërthimit tw Gërdecit vijon ende, ndërsa ish-ministri i Mbrojtjes Fatmir Mediu po gjykohet për akuzën e shpërdorimit të detyrës.
Matlija shpjegoi se për tragjedinë ku humbën jetën 26 persona ka pasur disa procese gjyqësore, ndërsa një çështje vijon ende në gjykim. Ai theksoi se një vendim i mëparshëm gjyqësor ka lidhur urdhrin e firmosur nga Mediu me zinxhirin shkak-pasojë që çoi në shpërthimin tragjik.
Sipas tij, hetimet fillestare të viteve 2008-2009 nisën me akuza më të rënda, por më pas u reduktuan në shpërdorim detyre. Matlija shtoi se SPAK ka rifilluar shqyrtimin e dosjes nga kjo pikë, duke mos përjashtuar që gjatë procesit të dalin edhe elementë të tjerë penalë.
Urdhri 20/44 i nënshkruar nga Mediu është ai që lidhet me zinxhirin shkak-pasojë që solli tragjedinë. Është shmangur me vetëdije mbikëqyrja e forcave të armatosura dhe është dhënë dritë jeshile për demontim pranë një fshati dhe një rruge automobilistike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
