Zhduket vajza adoleshente e dy miliarderëve të njohur nga Silicon Valley, në Shtetet e Bashkuara të Amerikës.
16-vjeçarja Mint Butterfield, është zhdukur nga shtëpia dhe sipas policisë ajo mund të jetë arratisur në një nga lagjet më të rrezikshme në San Francisko.
Vajza është vajza e kanadezit Stewart Butterfield, ish-CEO i Slack, dhe ish-bashkëshortes së tij, miliarderes Caterina Fake, bashkëthemeluese e Flickr.
Mint ka përdorur drogë në të kaluarën dhe frekuenton lagjen Tenderloin të San Franciskos, një zonë me krim të lartë, e lidhur shumë me botën e drogës.
Vajza u pa për herë të fundit të dielën në Bolinas, rreth 30 milje nga Tenderloin.
16-vjeçarja ndjek një konvikt privat lokal dhe jeton me nënën e saj. Ka qenë pikërisht nëna ajo që ka denoncuar zhdukjen e vajzës të hënën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
