Qeveria e SHBA ka nisur një fushatë sensibilizimi te vendet aleate, përfshirë Italinë, për të bindur kompanitë e telefonisë mobile të mos përdorin pajisjet e rrjetit të prodhuara nga gjiganti kinez, Huawei. Lajmin e bën të ditur “Wall Street Journal”, e cila u referohet disa burimeve që kanë dijeni për këtë lëvizje.
Zyrtarët amerikanë i kanë informuar për rreziqet e sigurisë kibernetike, homologët e tyre qeveritarë dhe drejtuesit e kompanive të telegomunikacionit në vendet mike, përfshirë Gjermaninë, Italinë dhe Japoninë, ku produktet Huaëei tashmë përdoren gjerësisht.
E menjëhershme është përgjigjja nga Huawei, e cila është shprehur e befasuar nga sjellja e qeverisë amerikane, e përshkruar në artikullin e Wall Street Journal.
"Nëse sjellja e qeverisë shtrihet përtej juridiksionit të saj - thotë një zëdhënës i Huaëei - ky aktivitet nuk duhet të mbështetet". "Produktet e Huawei-t përdoren gjerësisht në mbi 170 vende të botës, duke u shërbyer 46 prej 50 operatorëve kryesorë globalë, kompanive të “Fortune 500” dhe qindra miliona konsumatorëve. Ata na kanë zgjedhur sepse na besojnë plotësisht".
“Shtetet e Bashkuara – shkruan Wall Street Journal – po vlerësojnë rritjen e ndihmës financiare për zhvillimin e telekomunikacionit në vendet që shmangin pajisje të prodhuara në Kinë, të cilat mund t’i ekspozojnë ndaj rreziqeve të spiunazhit kibernetik. Mes shqetësimeve kryesore të SHBA-ve është përdorimi i produkteve kineze të telekomunikacionit në vendet ku ndodhen bazat ushtarake amerikane. Departamenti i Mbrojtjes ka satelitët e vet dhe rrjet të veçantë telekomunikacioni, por shumica e komunikimit në shumë baza ushtarake kalon përmes rrjeteve tregtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
