Deputetët letonezë kanë miratuar një deklaratë duke e shpallur Rusinë një "shtet sponsorizues të terrorizmit" dhe thanë se veprimet e saj në Ukrainë përbënin "gjenocid të synuar kundër popullit ukrainas".
Në deklaratën e Parlamentit thuhet se "Rusia njihet si një shtet sponsorizues i terrorizmit dhe u bën thirrje të tjera vendeve me të njëjtin opinion që të shprehin të të njëjtën pikëpamje".
Deputetët thanë se ata e konsideronin "dhunën e Rusisë kundër civilëve të kryer në përputhje me qëllimet politike si terorizmi". Ata gjithashtu dënuan përdorimin e municioneve cluster "për të mbjellë frikë dhe për të vrarë civilët pa dallim".
“Rusia përdor vuajtjen dhe frikësimin si mjete në përpjekjet e saj për të demoralizuar popullin dhe forcat e armatosura ukrainase dhe për të paralizuar funksionimin e shtetit në mënyrë që të pushtojë Ukrainën”, thuhet në deklaratë.
Parlamenti i kërkoi gjithashtu Bashkimit Evropian të ndalojë lëshimin e vizave turistike për qytetarët rusë dhe bjellorusë dhe të reduktojë vizat e hyrjes në përgjithësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
