Gjen unazën me vlerë 70 mijë euro dhe ja çfarë bën me të

Një 31-vjeçar londinez ka gjetur një unazë me vlerë rreth 70 mijë euro.

I ndodhur përballë dilemës nëse duhej ta kthente apo ta mbante për vete, ai u konsultua me një mik të vetin, i cili shpjegoi se unaza me diamante përbënte për dikë, përveç vlerës material, edhe diçka sentimentale.

Në këto kushte, Andy vendosi t’ia kthente unzaën të zonjës dhe menjëherë në faqen e tij në “Facebook” publikoi një njoftim.

E zonja e unzaës doli se ishte një grua 70-vjeçe, e cila u lumturua pa masë. Ajo dorëzoi te Andy dokumentin e sigurimit të unazës, i cili u vlerësua si autentik nga një argjendar në Londër.

Andy thotë se ka bërë gjënë e duhur, pasi kohë më parë një gjë e ngjashme i ka ndodhur edhe atij me telefonin, të cilin e gjeti falë një lajmërimi në rrjetin social.