Gjykata për Korrupsionin dhe Krimin e Organizuar ka dhënë vendimin ditën e sotme për të pandehurit e dosjes së grabitjes së Rinasit.
20 vite burg është dënimi i dhënë për Klement Çalën, ndërsa me nga 17 vite burg u dënuan gjashtë të pandehurit e tjerë, Eldi Çala, Saimir Çela, Elton Pikli, Alkond Bengasi, Oltion Veseli dhe Renaldo Sulaj.
Të pandehurit u shpallën fajtor si pjesë e grupit kriminal, të cilët planifikuan dhe realizuan grabitjen e parave, të cilat po transportoheshin për t’u ngarkuar në avion.
Ngjarja e bujshme ndodhi në 9 prill të vitit 2019, ku gjatë ndjekës së autorëve nga policia mbeti i vrarë nga shkëmbimi i zjarrit Admir Murataj, i cili njihej edhe si “truri” i planifikimit të grabitjes.
Gjithçka u realizua teksa autorët përdorën një furgon me mbishkrimin “Hetimi Tatimor”, me të cilin hynë në pistën e avionëve për të marrë thasët me para.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
