Patriarku rus Kirill, aleat i ngushtë i Presidentit Vladimir Putin, u bëri thirrje mbështetësve të Rusisë që të bashkohen për të luftuar “armiqtë e brendshëm dhe të jashtëm të Moskës”.
Në këtë periudhë të vështirë për atdheun tonë, Zoti na ndihmoftë secilin prej nesh të bashkohemi, qoftë edhe rreth pushtetit. Kështu do të shfaqet solidariteti i vërtetë në popullin tonë, aftësia për të refuzuar armiqtë e jashtëm dhe të brendshëm dhe për të ndërtuar një jetë me më shumë të mira, të vërteta dhe dashuri.
Kirill, kreu i kishës ortodokse ruse, kisha e të cilit ka rreth 150 milionë ndjekës, ka mbështetur vazhdimisht operacionin ushtarak në Ukrainë në predikimet e tij dhe fjalimi më i fundit u mbajt në meshën e së dielës.
Patriarku Kirill ka bërë edhe më parë deklarata të tilla, duke mbrojtur veprimet e Moskës në Ukrainë dhe e sheh luftën si një mburojë kundër një kulture liberale perëndimore të cilën ai e konsideron dekadente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
