Demokrati Ferdinand Xhaferri thotë se maxhoranca do të detyrohet të tërhiqet në betejën me opozitën për komisionet hetimore, pasi është në lojë Kushtetuta e vendit.
Deri tani është krijuar një opinion sikur në të gjitha përplasjet e Ramës me opozitën ka arritur t’i fitojë. Siç ishte rasti i djegies së mandateve apo bojkotimi i zgjedhjeve lokale. Por në këtë rast e ka një betejë të humbur, përplasjen për komisionet hetimore. Do t’i miratojë ato sepse këtë radhë e ka problemin me Kushtetutën dhe jo me opozitën.
Xhaferri tha se opozitës do t’i bashkohet edhe komuniteti ndërkombëtar.
Do të mblidhet komuniteti ndërkombëtar, edhe pse me vështirësi, për problemet që ka opozita. E nisi Fatos Nano, shkoi në Kushtetuese dhe u ngritën. Të njëjtën gjë donte të bënte edhe Sali Berisha më pas.
Rama është i kujdesshëm dhe e di mirë si mund ta mbajë pushtetin. Shikoni si u soll me Vuçiçin dhe Ballkanin e Hapur. Edhe këtu në takime informale faktori ndërkombëtar i jep të drejtë opozitës. Sa më shumë të degradojë kjo situatë, aq më shumë do të forcohet ky koalicion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
