Detaje të reja janë zbardhur nga atentati i ndodhur mëngjesin e sotëm në Laç, ku mbeti i vrarë biznesmeni 55-vjeçar Rakip Roli i njohur ndryshe si Pilot Rroli.
Burime bëjnë me dije se dyshohet se 2 persona kanë qenë në këmbë dhe kanë qëlluar mbi makinën tip “Audi Q 7” me të cilën udhëtonte autori. 7 plumba thuhet se e kanë kapur në trup 55-vjeçarin.
Si pasojë e plumbave të shumtë, Roli ka humbur fillimisht drejtimin e mjetit dhe është përplasur me një makinë tjetër, tip “Benz” e më pas, ka përfunduar në një kanal në anë të rrugës.
Ai nuk ka mundur t’i mbijetonte plagëve të marra dhe ka ndërruar jetë në vend.
Sakaq, djali i tij është aksidentuar teksa po shkonte drejt vendit të ngjarjes ku u vra i ati. Ende nuk dihen shkaqet e vrasjes ndërsa djemtë e biznesmenit, Emiljano dhe Isuf Roli janë hetuar për trafik droge në vitin 2017.
Policia ka shkuar menjëherë në vendngjarje ndërsa janë ngritur pika kontrolli për të bërë të mundur kapjen e autorit. Në ndihmë të policisë janë nisur edhe dy grupe të FNSH-së ndërsa mendohet se në atentat kanë marrë pjesë dy persona, ende të paidentifikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
