Moti i përkeqësuar ka rënduar situatën në disa vende. Gjendja paraqitet e vështirë në Valias, ku 13 persona kanë mbetur të bllokuar në mes të ujit.
Niveli i ujit ka arritur në 1.5 metra. Megjithatë Forcat e Armatosura kanë mundur të evakuojnë të bllokuarit dhe punonjësit e zjarrfikëses.
Mes të bllokuarve në 10 banesa ishin dhe 5 fëmijë dhe 3 punonjës të zjarrfikëses. Në vendgjarje ka shkuar edhe Shefi Shtabit te Pergjithshem te Forcave te Armatosura，Bardhyl Kollcaku.
Zjarrfikësja e stacionit nr.3 të Kodër Kamzës u bllokua sot në Valias në thellësinë 1.5 metra me ujë pasi kishte shkuar të evakuonte 10 banorë, 5 prej të cilëve fëmijë.
Në momentin kur makina po bënte të kthehej mbrapsht, njëra anë e automjetit ka përfunduar në kanal. Në vendin e ngjarjes ishte edhe prefektja e Tiranës, Suzana Jahollari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
