Kryedemokrati Lulzim Basha në komunikimin e parë lidhur me zgjedhjet e pjesshme të së dielës në 6 mars, u pyet nëse e ka menduar dorëheqjen nga drejtimi i partisë, pasi u mund nga Partia Socialiste, por edhe nga “Shtëpia e Lirisë” e Sali Berishës.
Ai mohoi të japë një përgjigje konkrete, duke sjellë si opsion reformimin e Partisë Demokratike.
“Faktet janë këto, 30% e shqiptarëve kanë marrë pjesë në votime. Administrata është detyruar të votojë. Bandat janë përfshirë po kështu. Në një rast PD, i janë mohuar komisionerët, siç është rasti i Vorës. Të gjitha zbehen para braktisjes së procesit të 6 marsit, pjesë e përgjegjësisë edhe lufta, sulmet dhe denigrimi i PD. Jam i gatshëm të udhëheq reformimin e PD. Partia nuk është personale. Propagandës dua ti them se nuk kam humbur asnjë garë, jam përballur me masakra zgjedhore. Trekëndëshi i Bermudës, gjithçka e ka për interesa personale. Kushdo që më kërkon të braktis detyrën, i them se do kthejmë besimin tek demokracia, me reformë të thellë zgjedhore, me reformim të PD. Kushdo që pret ikjen time, do të zhgënjehet”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
