Kryeministri australian Scott Morrison e cilësoi sulmin rus ndaj Ukrainës si “brutal” dhe “të paprovokuar”, ndërsa njoftoi sanksione të reja për 25 persona të tjerë dhe katër institucione financiare në Rusi.
“Denoncojmë veprimet e njëanshme armiqësore në Ukrainë. Rusia po shkel në mënyrë flagrante ligjin ndërkombëtar dhe Kartën e OKB-së. Rusia ka zgjedhur luftën. Bashkë me komunitetin ndërkombëtar, ne bashkohemi me terma të fortë për të dënuar këto akte të egra në termat më të fortë të mundshëm,” tha Morrison.
Ai deklaroi se sanksionet e reja do të synojnë komandantët e ushtrisë, zëvendësministrat e mbrojtjes dhe mercenarët rusë “përgjegjës për agresionin e paprovokuar dhe të papranueshëm”, si dhe bizneset që janë përfshirë në zhvillimin dhe shitjen e teknologjisë ushtarake dhe armëve.
Ndërkohë të mërkurën, Australia njoftoi sanksione ndaj tetë anëtarëve të Këshillit të Sigurimit të Rusisë.
Morrison tha se do të ketë një valë të mëtejshme sanksionesh dhe se po diskutohet me Departamentin e Punëve të Jashtme dhe Tregtisë për marrjen e masave kundër më shumë se 300 anëtarëve të parlamentit rus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
