Dy shqiptare u arrestuan në Itali pasi në shtëpinë e tyre u gjet një sasi heroine. Mediat italiane shkruajnë se dy të arrestuarat janë të moshës 71 dhe 21 vjeçe, por nuk bëjnë të ditur identitetet e tyre. Ato u arrestuan pas një operacioni të policisë në Santeramo in Colle dhe akuzohen për posedim të lëndëve narkotike me qëllim shpërndarjen e tyre si dhe armëmbajtje pa leje.
Karabinierët kanë shkuar për një kontroll në banesën e tyre në një zonë rurale dhe në dhomën e gjumit kanë gjetur 4.3 kg heroinë. Ndërsa në oxhakun e shtëpisë janë gjetur edhe 500 gramë kokainë, pushkë dhe një automatik, i cili rezultonte i vjedhur.
Ndërsa në kuzhinë, policia gjeti 8 gr marijunë, tre peshore, dy mjete prerëse dhe material që shërben për paketimin e drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
