Ish-ministri i Mjedisit, Lefter Koka, ka lënë qelinë e burgut dhe është transportuar drejt spitalit të burgut.
Burime për MCN TV bënë të ditur se Koka ka shfaqur shenja të panikut kardiak gjatë orëve të para të mëngjesit të ditës së sotme.
Ai është transportuar drejt spitalit të burgut, ku sipas burimeve nga Drejtoria e Përgjithshme e Burgjeve do të qëndrojë deri në përmirësimin e gjendjes shëndetësore. Pritet që Koka të rikthehet në burgun e Durrësit javën e ardhshme.
Ish-ministri i Mjedisit u arrestua më 14 dhjetor të vitit të kaluar për aferën e inceneratorëve.
SPAK e ka akuzuar atë për veprat penale “shpërdorimi i detyrës”, kryer në bashkëpunim, “korrupsioni pasiv i funksionarëve të lartë shtetërorë ose i të zgjedhurve vendorë”, si dhe “pastrimi i produkteve të veprës penale apo i veprimtarisë kriminale” , kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
