Një fëmijë 6-vjeçar ka vdekur nga koronavirusi të martën në provincën e Khorasanit Verior të Iranit. Lajmin e bëri të ditur Universiteti i Shkencave Mjekësore në këtë vend.
Përmes një deklarate, ky universitet njoftoi se janë shënuar 189 raste të infektimeve në provincë, ndërsa 19 pacientë kanë vdekur.
Për më tepër, 99 persona të infektuar janë shëruar dhe janë liruar nga spitali, thuhet në njoftim.
Sipas Ministrisë së Shëndetësisë në Iran, mosha mesatare e personave të vdekur nga sëmundja është mosha 67-vjeçare.
Më herët, një fëmijë 3-vjeçar kishte vdekur në Iran nga koronavirusi, por ai vuante edhe nga leukemia, shkruan “Anadolu”.
Ndryshe, 127 persona kanë vdekur nga koronavirusi në Iran vetëm gjatë 24 orëve të fundit, ndërsa janë shënuar 1411 infektime të reja.
Së bashku me Kinën, Italinë dhe Spanjën, Irani është një prej shteteve më të prekura në botë nga virusi Covid-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
