Komisioneri për Zgjerim i Komisionit Evropian, Johanes Hahn, është takuar me kryeministren e Serbisë, Ana Brnabiç, me të cilën ka diskutuar rreth dialogut Kosovë-Serbi dhe hapave të ardhshëm që duhet të ndërmerren në këtë proces.
Komisionari për Zgjerim i Komisionit Evropian, Johanes Hahn, të premten ka udhëtuar për në Beograd, ku është pritur nga krerët e shtetit serb.
Në mëngjesin e të shtunës ai është takuar edhe kryeministren serbe, Ana Brnabic, me të cilën ka diskutuar rreth dialogut ndërmjet Kosovës dhe Serbisë.
“Një takim shumë i mirë me kryeministren, Ana Brnabic në Beograd. Kemi diskutuar për hapat e ardhshëm të dialogut ndërmjet Kosovës dhe Serbisë, sundimin e ligjit”, ka shkruar Hahn në llogarinë e tij në Twitter.
Hahn është takuar edhe me presidentin serb, Aleksandër Vuçiç.
Ndryshe ditë më parë, Hahn , ka deklaruar se po ka progres në dialogun ndërmjet Kosovës dhe Serbisë, por sipas tij, është ende herët te flitet për një zgjidhje përfundimtare ndërmjet dyja vendeve.
Ndryshe dje përfaqësuesja e lartë e BE-së, Federica Mogherini, ka thënë se marrëveshja ndërmjet dy shteteve duhet të arrihet në muajt në vijim, duke e vendosur si kohë finale, muajin Maj 2019, kohë kjo kur skadon mandati i Komisionit Evropian, dhe organizohen zgjedhje të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
