Drejtoria e Policisë së Shtetit i është drejtuar përmes një shkrese prefektëve, bashkive dhe Agjensisë Kombëtare të Bregdetit lidhur me përmbushjen e detyrimeve ligjore për sigurinë në det.
Në shkresën e siguruar nga MCN TV thuhet se për të arritur rezultatet e duhura, “blutë” duhet të informohen periodikisht mbi masat e marra nga institucionet përkatëse të cilat lejojnë licensimin dhe zhvillimin e aktiviteteve dhe turizmit detar, pajisjen me leje drejtimi të mjeteve motorike lundruese, përcaktimin e zonave të ndaluara për lundrim dhe ankorim të mjeteve lundruese.
Policia e Shtetit kërkon marrjen e masave, duke theksuar se nuk mund të veprojë e vetme dhe s’mund të jetë e vetmja përgjegjëse, nëse hallkat institucionale nuk bashkëpunojnë për zbatimin e ligjit.
Kujtojmë që së fundmi opinionin publik u trondit pasi një 7-vjeçare humbi jetën pasi u përplas nga një skaf në plazhin e Potamit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
