“Mjekësia palë me politikën, përmes vaksinës në gjakun e njeriut po futen lëndë kancerogjene”. Kështu u shpreh mbrëmjen e sotme në emisionin “Arnautistan” në MCN TV ambientalisti Sazan Guri.
“Vaksina më e mirë është antitrupi jot. Mjekësia është bërë palë me politikën. Kjo vaksinë fut trupa lëngje, minerale që shpërndahen në gjak. Fizikantët e mëdhej thonë që gjaku nuk është më si më parë. Ato lëndë që futen në gjakun e njeriut me 5G baras me azbestin, baraz me lëndën e parë kanceroze. 5G do ta klasifikosh i thonë OBSH-së këta të rrezikshëm baraz me asbest, baraz me arsenit”, tha Guri.
Deklaratës se tij moderatori Mustafa Nano iu përgjigj duke thënë se vaksinën e kanë bërë liderë të mëdhej botëror si Donald Trump, Joe Biden etj. Por Guri u kundërpërgjigj duke vënë në dyshim vaksinimin e këthyre personaliteteve të politikës botërore.
“Si kujton ti se e kanë bërë ata. Si mendon ti se ata kanë bërë? Qëllimi është i thënë te Bill Gates që vaksina të ketë kufizim tek riprodhimi njerëzor”, tha Guri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
