Një ekip astronomësh ndërkombëtarë ka kapur bashkimin e dy vrimave të zeza të masave të papara, që krijojnë një tjetër vrimë të zezë masive, që deri tani astronomët besonin se ekzistonte në teori, por që nuk ishte zbuluar kurrë.
Dy vrimat e zeza ishin afërsisht 85 herë dhe 66 herë më të mëdha se masa e Diellit. Pasi u bashkuan, duke prodhuar një valë gravitacionale të marrë nga detektorët - ato krijuan një vrimë të zezë 142 herë më të madhe se masa e Diellit.
"Ne kurrë nuk kemi parë diçka të tillë më parë", tha Evan Goetz, një bashkëpunëtor kërkimor në departamentin e fizikës dhe astronomisë në Universitetin e British Columbia dhe bashkëautor i punimit të botuar në revistat “Physical Revieë Letters” dhe “Astrophysical Journal Letters”.
"Kjo është hera e parë që matet çdo lloj sinjali gravitacional si ky."
Deri më tani, valët gravitacionale - valëzime në hapësirë-kohë të shkaktuara nga procese shumë energjike në hapësirë, të tilla si shkrirja e çifteve të vrimave të zeza ose yjeve neutronë ose një vrime të zezë dhe një yll neutroni - zakonisht krijojnë një lloj zhurme "cicërimë" te detektorët.
Por kjo, thonë studiuesit, krijoi më shumë një "zhurmë" jetëshkurtër, duke prodhuar vetëm rreth pesë ose gjashtë forma valësh - të cilat mund të mendohen si valë aktuale që lëkunden. Krahasimisht, zbulimet e tjera të valëve gravitacionale kanë prodhuar qindra forma të valëve.
Pjesërisht për shkak të sinjalit të saj të shkurtër, astronomët duhej të siguroheshin se nuk ishte zhurma që po shkaktonte zbulimin e dyshuar. Tani që është konfirmuar, është e para në llojin e vet - dhe po hedh dritë mbi një lloj të pakapshëm të familjes së vrimave të zeza: vrimat e zeza me masë të mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
