Avokati Idajet Beqiri tha në studion e lajmeve të MCN Tv se pezullimi i fondeve të SHBA-së nuk do të ketë thuajse asnjë ndikim për SPAK dhe sistemin e drejtësisë pasi financimi kryesor vjen nga buxheti i shtetit dhe ky i fundit, veçse është rritur.
Më tej Beqiri tha se në vendin tonë miti i të pandëshkueshmëve është thyer dhe se shqiptarët do të shohin vetëm progres në këtë fushë me ardhjen e administratës Trump.
Këtu në vendin tonë, nuk ka ndonjë lloj ndikimi, thuajse është i papërfillshëm, do të jetë inekzistent bllokimi i këtyre fondeve për 90 ditë për SPAK-un dhe sistemin e drejtësisë tek ne sepse këto institucionet tona financohen nga buxheti i shteti. Buxheti i shteti nuk ka ndryshuar, ka qenë në rritje, sidomos për këtë vit. Ndërsa ajo ndjeshmëria do të ishte në gjëra të tjera që faktikisht janë dytësore. USAID, nëse i bllokohen fondet ne s’do të kemi institucione të tjera që do të ngrihen, gjykata të reja, prokurori të reja, por këto janë ngritur dhe s’kemi probleme. Do të ketë problem në fushën e trajnimeve të ndryshme, seminareve të ndryshme, konferencave, që kanë të bëjnë me aspektin profesional por edhe këto nuk janë të ndjeshme.
Miti i të pandëshkueshmëve u thye përfundimisht.
Shqiptarët do të shohin vetëm progres në këtë fushë aq më shumë tani me ardhjen e administratës Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
