Veprat artistike të krijuara nga inteligjenca artificiale pa asnjë kontribut njerëzor nuk mund të mbrohen nga e drejta e autorit. Vendimi u dha nga një gjykatë amerikane në Uashington Dc, siç raportohet nga Reuters online, duke hedhur poshtë pretendimin e paraqitur nga shkencëtari kompjuterik Stephen Thaler, shpikësi i Makinerisë së Kreativitetit.
Vetëm veprat e autorëve njerëz mund të përfitojnë nga e drejta e autorit, tha gjykatësi i qarkut amerikan Beryl Howell, duke vendosur kështu një precedent në debatin për gjenerimin e përmbajtjes me teknologjitë e AI, gjë që po ndikon edhe në Hollyëood. Thaler ka aplikuar gjithashtu për patenta të krijuara nga sistemi në vende të tjera duke përfshirë Britaninë e Madhe, Afrikën e Jugut, Australinë dhe Arabinë Saudite, deri më sot me sukses të kufizuar.
Avokati Ryan Abbott tha se ai dhe klienti i tij nuk pajtohen me vendimin dhe do të apelojnë. Zyra për të Drejtat e Autorit në një deklaratë zyrtare tha se "besonte se Gjykata ka marrë vendimin e duhur".
Teknologjia AI si ChatGpt ka ngritur pikëpyetje të reja mbi pronësinë intelektuale. Zyra e të Drejtave të Autorit kohët e fundit refuzoi kërkesën e një artisti për të drejtat e autorit për imazhet e krijuara përmes sistemit të inteligjencës artificiale Midjourney. Disa padi janë ngritur edhe në Shtetet e Bashkuara mbi përdorimin e veprave të mbrojtura nga të drejtat e autorit për të trajnuar AI gjeneruese pa leje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
