Analisti Gurakuç Kuçi deklaroi përmes një lidhje “Skype” me studion e lajmeve të MCN Tv se akuzat ndaj ish-krerëve të UÇK janë të pabaza dhe të çuditshme.
Duke vijuar më tej shpjegimin e tij, Kuçi tha se UÇK ka qenë një forcë guerile e cila nuk kishte kontroll në të gjitha celulat e saj, dhe se mund të ketë pasur veprime të pamatura që kanë bërë njerëz të caktuar, por kjo gjë nuk e prish imazhin e kësaj strukture.
Sipas Kuçit procesi që mund të zgjasë deri në 5 vite po e dëmton shumë Kosovën.
UÇK nuk ka pasur një rregull si ushtri dhe mbajtja nën kontroll e çdo celule ka qenë e vështirë, megjithatë akuzat që janë ngritur nga logjika duken të pabaza dhe çuditshme. Flitet për aktivitete që njerëz të caktuar i kanë bërë kundër serbeve, stacioneve policore. Ka qenë një lloj vetëmbrojtje dhe prishje e qendrave që mos të shkaktojnë probleme te popullsia.
Unë kam jetuar në një zonë që UÇK e ka mbrojtur, por nuk ka bërë ndonjë dëm. UÇK nuk ka ushtruar ndonjë krim mbi popullsinë serbe apo ndonjë person në Kosovë. Krerët e UÇK në fund do të kenë një pafajësi siç e kishin më herët Haradinaj dhe Limaj.
Deri në qershor të 1999 askush nga UÇK nuk ka ushtruar ndonjë krim ndaj ndonjë personi, edhe nëse ka qenë ndonjë veprim i pamatur nuk ka qenë e ushtrisë. Argumentet janë në anën e krerëve të UÇK dhe vetë kjo Gjykatë nuk ka një fillim që dëshmon bazën e saj, se ka filluar si organ kundër trafikimit të organeve dhe kjo akuzë nuk ekziston më.
UÇK ka qenë forcë guerile dhe nuk ka pasur celula të mirë kontrolluara, nuk ka qenë ushtri e rregullt. Në këtë mënyrë ka qenë e pamundur të kontrollohet. Pjesëtarë të UÇK-së nuk kanë qenë të mirë disiplinuar, kanë qenë vullnetarë mund të kenë bërë veprime jo të duhura , por nuk e prish imazhin e UÇK-së.
Që nga viti 2000 ka filluar të ngrihet aktakuza ndaj pjesëtarë të UÇK-së, janë publikuar fakte sesi pjesëtarë të shërbimeve serbe tentonin të blinin dëshmitarë.
E kemi parë tek Haradinaj dhe Limaj që sado janë bërë fabrikim faktesh nuk kanë arritur t’i bëjnë fajtorë. Gjykimi mund të zgjasë deri në 5 vitet e ardhshme. Një drejtësi e vonuar nuk është drejtësi. Po i lejohet diplomacisë serbe që të bëhet propagandë kundër Kosovës. Kjo po e dëmton më shumë Kosovën. Procesi i tejzgjatur po e dëmton vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
