Analisti Zylyftar Bregu tha në Mcn Live se mendon që 90 për qind e drejtorëve të bashkive janë në punë, ndonëse formalisht kanë kryer aktet e dorëheqjeve.
Sipas tij ka zëra që nesër mund të shpallen edhe zgjedhjet e parakohshme në 3-4 bashki të vendit. Bregu tha se Blendi Gonxhja është më i favorizuari për kandidat si kryetar bashkie i PS në Tiranë.
“Ka disa zëra që e lidhin ditën e nesërme, përveç shpalljes së qeverisë, me vendimin për të bërë zgjedhje të parakohshme në 3-4 bashki. Edhe një deklaratë e Ramës në daljen e fundit, që po pres një analizë juridike nga ekspertët. Mendoj që e ka çuar në zgrip çështjen e Tiranës. Mendoj që të gjithë drejtorët në masën 90 për qind në punë, edhe pse e kanë bërë aktin formal të dorëheqjes.
“Kandidatët për bashkinë e Tiranës janë dy, ministrja e Arsimit. Por nga informacionet që kanë rrjedhur thuhet që ajo e ka refuzuar këtë post. Personi i dytë, që bëri një test në fushatë, ishte z.Gonxhe. Besoj që testin e ka bërë me lejen e Ramës, për të treguar fuqinë e vet elektorale në kryeqytet. Më i favorizuari besoj që është z.Gonxhe”.
Duke folur për listën e qeverisë “Rama 4”, që qarkullon në media, Bregu shprehet:
“Është një shaka vere sepse logjika politike që kryeministri Rama ka ndjekur këto 12 vite për emërime dhe shkarkime, s’ka lidhje me mënyrën si lista u bë dhe qarkulloi. Emrat janë të përfolur në media, një pjesë e tyre nga vullneti i secilit prej tyre për t’u afishuar, nga afërsia e secilit me kryeministrit, por s’ka lidhje fare. Në botë këto lista ndonjëherë hidhen për të testuar opinionin publik, por s’është Rama i tillë. Ai listën e vet e bën vet dhe s’pyet as ata që emëron. Lista që doli dje s’është liste e hedhur ‘underground’ nga Rama për të testuar opinionin publike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
