Kandidati për deputet i Lëvizjes Socialiste për Integrim në qarkun e Korçës, Endrit Braimllari ka paditur në Prokurorinë e Posaçme për Krimin e Organizuar dhe Korrupsionin, ministrin e Mbrojtjes Niko Peleshin si dhe tre drejtorë të rëndësishëm në këtë qytet.
Kallëzimi është bërë për akuzat e “shpërdorim detyre” dhe “përdorim i funksionit publik për veprimtari politike ose zgjedhore”.
Kallëzimi është bërë ndaj: Niko Peleshi, ministër i Mbrojtes dhe drejtues politik i PS në qarkun Korçë, Petrika Tollkuçi drejtori i FSDKSH Korçë Ilir Bajlozi drejtori i drejtorisë rajonale të Sigurimeve Shoqërore Korçë, Artur Qeramixhi drejtor i OSHEE Korçë.
Në kallëzimin penal të Braimllarit, thuhet se “të gjithë këta shtetas të cilët kemi kallëzuar ushtrojnë funksione publike prej kohësh, ata e kanë lënë postin dhe kanë filluar të bëjnë fushatë ku të munden dhe si të munden duke filluar që nga zyra e tyre ku ushtrojnë detyrën publike, ashtu edhe të punonjësve në varësi të tyre duke i ngarkuar me detyra politike edhe pse ato ushtrojnë një detyrë publike jopolitike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
