Ish-zëvendësministrja e Jashtme Edit Harxhi thotë se rendi i ri botëror filloi me rikthimin e Donald Trump në krye të Shteteve të Bashkuara të Amerikës dhe me dy javët e para të tij, kur askush nuk e merrte vesh se si do të ishte drejtimi.
Duke folur për emisionin “Arnautistan” në MCN TV, ajo deklaroi se presidenca e parë e Trump nuk ishte kaq e fuqishme sa është e tanishmja, pasi me 312 votat elektorale, doli kundër parashikimit të gjithë sondazheve, por edhe për faktin se presidenca e parë nuk ishte aq e fuqishme.
Sipas saj, në mandatin e parë ndoshta Trump ishte i papërgatitur për presidencën, por se në mandatin e parë rol të rëndësishëm mund të ketë luajtur edhe Covidi.
Erdhi më shumë si një sfidë për establishmentin atëherë. Dy javët e para ishte një tërmet gjeopolitik.
Që ditët e para që u bë deklarata e famshme me Presidentin e Kolumbisë për emigrantët, që aty u duk se do kishte një presion të madh.
Brenda një ore ai detyroi Kolumbinë që të dërgojë avionin për emigrantët dhe brenda natës e bëri “non grata” atë dhe kabinetin dhe vendosi tarifa.
Pastaj filloi me Meksikën edhe Kanadanë, vendosi tarifat, pastaj i hoqi dhe i vendosi sërish.
Shpërndarja e menjëhershme e negociatorëve në Lindjen e Mesme në Ukrainë, emërimet e menjëhershme si i Marco Rubios si sekretar shteti, ndërprerja e fondeve të USAID ishin masa shumë drastike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
