Oliver Varhelyi, komisioneri për Fqinjësi dhe Zgjerim i BE’së, i cili para pak ditësh ishte në Shqipëri, gjatë vizitës së tij në Sarajevë është shprehur pro ‘mini-shengenit’ pasi do të mundësojë shtimin e investimeve dhe lehtësira në transaksionet e pagesave si dhe gjithashtu përshpejtimin e kalimit të mallrave dhe njerëzve.
Varhelyi, pas takimit me përfaqësuesit e Bosnje-Hercegovinës, deklaroi se që nga dita e parë që ka marrë këtë detyrë është duke punuar për ta bërë të qartë se Ballkani Perëndimor është prioritet për Komisionin.
“Jo vetëm kjo, ne shohim Ballkanin Perëndimor si pjesë të Evropës dhe në një afat të afërt të integruar në Bashkimin Evropian,”- ka thënë Varhelyi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
