Një 25-vjeçare shqiptare ishte protagoniste në mediat italiane me historin e saj. Ajo i ka shitur foshnjën e saj një avokati italian gay, por që të dy rrezikojnë burgun.
Gjithçka ka nisur në vjeshtën e vitit 2015, kur gruaja shqiptare ka mbërritur në Itali dhe është martuar në një ceremoni civile me një avokat gay në Pavese, i cili bashkëjetonte me një tjetër shqiptar gay.
Pak ditë pas martesës 25-vjeçarja shqiptare ka lindur foshnjën ku më pas e ka regjistruar në gjendjen civile, dhe si fëmija i avokatit dhe si shpërblim ajo do të përfitonte 70 mijë euro.
Një muaj pas lindjes, ajo niset drejt Shqipërisë duke e lënë foshnjën vetëm me çiftin, gay. Ajo rikthehet në Itali me babanë biologjik, i cili pas hetimeve del se ishte vëllai i shqiptarit gay, që bashkëjetonte me avokatin.
Gjërat nuk shkojnë siç ishin premtuar pasi shqiptarja merr vetëm 5 mijë euro ndryshe nga ajo që i ishte premtuar, çka ka bërë që ajo të tregojë gjithçka. Autoritetet gjyqësore urdhërojnë testin e ADN-së, për të konfirmuar dyshimet, ku edhe del se avokati nuk ishte babai i fëmijës.
Fëmija është dërguar në një komunitet mbrojtës duke iu refuzuar nënës biologjike. Avokati italian gay, partneri i tij shqiptar dhe një gruaja 25-vjeçare shqiptare rrezikojnë të dënohen nga 5 deri në 15 vite burg, pasi akuzohen për “ndryshim të gjendjes civile” të një të porsalinduri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
