Koronavirusi COVID-19 tashmë ka mbërritur në një kontinent të ri, në Afrikë ku burime zyrtare konfirmojnë rastin e parë të regjistruar në Egjipt.
Ministria e Shëndetësisë në Egjipt tha se pacienti ishte një shtetas i huaj, i cili nuk kishte treguar asnjë simptomë. Khaled Megahed, një zëdhënës i ministrisë, tha se pas kryerjes së testeve laboratorike, pacienti u fut në karantinë në spital dhe në vijim u njoftua Organizata Botërore e Shëndetit (OBSH).
Numri i të prekurve me COVID-19 në mbarë botën ka arritur në 64.544 mijë vetë, përfshirë 44 raste në Evropë.
Sipas OBSH-së, qeveritë dhe gjigandët farmaceutikë duhet urgjentisht të fillojnë punën e shtrenjtë dhe të rrezikshme për të zhvilluar vaksina kundër COVID-19.
"Duhen qindra miliona dollarë dhe mund të jetë e nevojshme të zhvillohen disa vaksina të mundshme pa asnjë siguri se cila prej tyre do të funksionojë", tha Michael Ryan, drejtori i urgjencave të OBSH-së në një konferencë mbi koronavirusin që u mbajt në Gjenevë. /Euronews/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
