Ekspertja e ekonomisë Teuta Nunaj Kortoçi tha përmes një lidhjeje “Skype” me studion e MCN Economy se mungesa e certifikimit për një sërë zanatesh bën që individët që i ushtrojnë të mos kenë një vend të tyre të mirëpërcaktuar në tregun e punës.
Sipas Nunajt për ta formalizuar këtë treg, fillimisht duhen strukturuar këto grupe, jo si profesionistë të lirë, por si artizanë.
Mungesa e një certifikimi që ata të realizojnë dhe ushtrojnë profesionin vjen si pasojë e mosrregullimit të tyre në tregun e punës siç janë të rregulluar psikologët, punonjësit socialë. Kjo bën që këtë individë, në tortën e madhe të tregut të punës të mos kenë një vend të tyre të mirëpërcaktuar. Janë individë kur ushtrojnë aktivitetin e tyre, nëse duan të hapin aktivitet regjistrohen si biznes i vogël, apo nëse duan të jenë pjesë e një organizatë, janë në cilësinë e punonjësit. Ligji nuk ka një rregullim specifik për ta.
Një treg informal është një treg që dëmton. Edhe në rastin e Italisë, apo vendeve evropiane të zhvilluara përgjithësisht qëllimi bazë është të formalizojnë tregun. Një treg formal ka dhe një konkurrencë të barabartë mes palëve. Një konkurrencë e tillë bën dhe vetë që këta individë të jetë të ndërgjegjësuar dhe më profesionistë. Hapi i parë për t’i formalizuar është strukturimi i këtyre grupeve, jo si profesionistë të lirë por si artizanë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
