Një analizë e re e gjakut ka rezultuar më e saktë se testi tradicional i PSA-së për të vlerësuar rrezikun e kancerit të prostatës. Ajo mund të reduktojë më shumë se 40% të biopsive, sepse arrin të dallojë format malinje dhe beninje të tumoreve pa pasur nevojë për teste të tjera invazive.
Testi i ri, i quajtur Iso-PSA, identifikon ndryshimet e strukturës molekulare të antigjenit të prostatës, duke mos u limituar thjesht në matjen e përqendrimit të PSA-së në gjak siç bëjnë testet e deritanishme.
Po ashtu, përmes saj, mundësia e dallimit të tumoreve beninje nga ato malinje është më e madhe.
Analiza është rezultat i një studimi të gjerë që ekspertë të "Cleveland Clinic" kanë prezantuar pak ditë më parë në takimin e përvitshëm të Shoqatës Amerikane për Urologjinë në San Francisco, SHBA.
Ky lloj kanceri është më i shpeshti që haset të meshkujt dhe shfaqet në gjendrën e sistemit riprodhues. Që aty, qelizat tumorale mund të shpërndahen në të gjithë trupin, veçanërisht në kocka dhe nyjet limfatike. Statistikat tregojnë se 1 në 41 meshkuj vdes nga ky lloj tumori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
