Ardi Veliu merr postin e zv/ministrit të Infrastrukturës dhe Energjisë

Ish-drejtori i Përgjithshëm i Policisë së Shtetit, Ardi Veliu është emëruar në postin e zv/ministrit të Infrastrukturës dhe Energjisë.

Lajmi është bërë i ditur në mbledhjen e sotme të qeverisë.

Ai do të jetë zv/ ministër i Energjisë dhe Infrastrukturës në dikasterin që drejtohet nga Belinda Balluku.

Ardi Veliu u lirua nga posti i Drejtorit të Përgjithshëm të Policisë së Shtetit në 5 tetor të këtij viti, pas disa ngjarjeve të rënda kriminale.

Veliu u emërua në krye të Policisë së Shtetit pas shkarkimit të Haki Çakos në shkurt të 2018-ës.

Tashmë pritet që Qeveria të njoftojë dhe zyrtarisht emërimin e Ardi Veliut në postin e ri qeveritar.