Analisti Mustafa Nano thotë se ambasadorja amerikane gabon kur thotë se Tom Doshi nuk duhet të kandidojë për zgjedhjet e 25 prillit. Për MCN TV, Nano thotë se përsa kohë nuk ka një vendim gjykate, ai mund të kandidojë, por janë disa arsye të tjera përse ai nuk e do një personazh të tillë në Parlament.
"Kjo është një situatë e çuditshme në dijenë time, biografia e Tom Doshit është e pastër. Ambasadorja flet në bazë të informacioneve, madje jam i prirur të besoj se ai informacion është i saktë. Gjithsesi ajo nuk është kushtetuta. Unë nuk e dua Tom Doshin në parlament për arsye të tjera, sepse nuk është intelektual aq sa duhet, por jo sepse ai ka abuzuar ose është i korruptuar. Gjykata s’na ka thënë se Tom Doshi është i komplikuar. Ambasadorët nuk duhet të mbërrijnë në këto nivele", tha ai.
I pyetur nëse subjekti politik duhet të mbajë përgjegjësi për këto raste Nano shprehet: “Subjekti politik duhet të mbajë përgjegjësi në momentin që e merr në mbrojtje. Edi Rama këtë nuk e ka bërë. Partitë e mëdha i kanë mundësitë për të bërë një veting paraprak. Kjo nuk shërben si alibi për cilindo parti. Mendoj se janë të gjithë mundësitë për të bërë gjithçka”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
