Opozita ka nisur protestën e radhës para Kryeministrisë. Gazetari i MCN TV, Mariglen Kume, raporton se shkak për vonesën e nisjes janë bërë reshjet e shiut.Kume tha se skenari i protestës do të jetë i njëjtë me atë të disa ditëve më parë.
Janë nisur drejt Kryeministrisë. Shiu bëri që Berisha të dilte 30 min me vonesë nga selia. Është parashikuar të flasin 6 folës. Do të ketë mesazhe kundër qeverisë dhe maxhorancës. I fundit do të jetë vetë Sali Berisha. Pas tij vendin do ta zënë aktet si hedhja e kokteilit Molotov dhe mjeteve piroteknike. Nga ana tjetër, nga Policia e Shtetit janë marrë masa. Një numër i madh punonjësish janë në shesh. Automjetet me ujë janë pozicionuar pranë sheshit. Protesta do të përqendrohet nga Kryeministria drejt Parlamentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
