Kush janë luftëtarët e mbetur në uzinën Azovstal?

Vladimir Putin ka urdhëruar trupat ruse të mos sulmojnë fabrikën e çelikut Azovstal, duke u thënë atyre të mbyllin zonën.

Po kush janë luftëtarët e mbetur brenda?

Mediat e hauja raportojnë se brigada e 36-të e Marinës është e izoluar në uzinë.

Ditën e djeshme, komandanti i kësaj brigade, Maj Serhiy Volyna, tha se trupat e tij nuk do të dorëzoheshin, por ai u lut për ndihmë ndërkombëtare për 500 ushtarët e plagosur dhe qindra gra dhe fëmijë që ai tha se ishin fshehur me ta në fabrikën e çelikut.

Britanikët Aiden Aslin dhe Shaun Pinner, të  cilët kishin mbrojtur Mariupolin dhe u kapën nga forcat ruse javën e kaluar, ishin anëtarë të brigadës.

Njësia tjetër në fabrikën e çelikut është Brigada Azov, e quajtur sipas Detit të Azov që lidh Mariupolin me pjesën tjetër të Detit të Zi.

Azov është një njësi ushtarake e lidhur me nacionalistët e ekstremit të djathtë, e cila më vonë u përfshi në Gardën Kombëtare të Ukrainës. Numri i tyre është vlerësuar të jetë rreth 900.

Marinsat u bashkuan me Azov në Mariupol javën e kaluar.

Është e paqartë se sa trupa ukrainase kanë mbetur në uzinë, megjithëse ministri rus i Mbrojtjes Sergei Shoigu tha se kishte më shumë se 2,000.