Arrestohen babë e bir bashkëpunëtorë në vrasjen e 72-vjeçarit Faik Hajdini, ndërsa shpallet në kërkim autori i vrasjes së tij Berti Kanushi.
Policia e Gjirokastrës ka zbuluar dhe vërtetuar me prova materiale krimin e ndodhur 48 orë më parë në fshatin Zhapokike 2 në Memaliaj.
Berti Kanushi dyshohet se ka kryer vrasjen e 72 vjeçarit për një gardh ne territorin qe kufizonin banesat e tyre. Konfliktet nisën verbale dhe kulmuan me vrasjen e 72 vjeçarit me sëpatë.
Pas vrasjes Berti Kanushi ka kërkuar ndihmën e Skënder e Bledar Hajdinit (babë e bir) për ta hedhur trupin në humnerë dhe fshehur vrasjen. Kjo i ka shndërruar ata bashkëpunëtor në krim.
Policia e Gjirokastrës përmes metodave speciale ka arritur të zbulojë të gjithë dinamiken dhe autorësinë e krimit.
Me të rënë në gjurmët e autorëve, Berti Kanushi është larguar nga vendi i krimit në drejtim të paditur ndaj është shpallur në kerkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
