Italia është duke u përballur këtë të mërkurë me kaos si në transportin hekurudhor dhe në atë ajror për shkak të grevës mbarëkombëtare që po mbahet në vend dhe zjarrit që përfshiu një nga ambientet e aeroportit Ciampino në rajonin e Lacios.
Zjarri i rënë në këtë aeroport, por edhe grevat e sindikatave kanë bërë që shumë fluturime ose të ndërpriten ose të përballen me vonesa.
Pasi flakët u shuan autoritetet nisën menjëherë hetimet për të mësuar mbi shkakun e tyre. Ndërsa në të tjera aeroporte të vendit si në Romë, Milano, Napoli, Catania dhe Valencia shumë fluturime u anuluan për shkak grevës së sindikatave të aviacionit të cilat kërkojnë paga më të larta dhe kushte më të mira pune për stafet e tyre.
Përveç fluturimeve nga greva që po mbahet këtë të merkurë janë prekur edhe një sërë trenash dhe transporti publik në rajonin e Lombardisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
