Kukësi ka bërë surprizën e madhe dje duke u kualifikuar në gjysmëfinalen e Kupës, teksa eliminoi Partizanin pas penalltive, duke bërë që të kuqtë të largohen nga Kupa teksa Kukësi të shkojë në gjysmëfinale.
Gazetari i sportit Edi Hajdini, vlerësoi në MCN live, paraqitja e Partizanit ndaj Kukësit, kulmoi me disfatën e turpshme, duke hedhur në erë një sezon të tërë të cilën premtonte se do ta fitonte Kupën e Shqipërisë.
Ndodhi ajo që milionat e shpenzuar nga Presidenti Demi për të ndërtuar një skuadër që do të dominonte jo vetëm në kampionat por edhe në kompeticione të tjera mes tyre, Kupa, ranë poshtë dhe u zhbënë, nga një skuadër si Kukësi, një skuadër më krizë totale e kampionat, pas shumë ndeshjeve radhazi me humbje, arrin të bëj surprizën duke marrë kualifikimin në mes të Tiranës, në një ndeshje që fati nuk u vendos vetëm gjatë ndeshjes së djeshme.
Kam parasysh që Partizani vjen nga një ecuri e paralajmëruar si zhgënjim pasi në 10 ndeshjet e fundit ka fituar vetëm 4 ndeshje. Mund të them se paraqitjet e Partizanit, deri më tani kulmuan me humbjen dhe me këtë disfatë që hedh në erë një sezone të tërë të Partizanit dhe të drejtuesve.
Për gazetarin Hajdini, përgjegjësia e humbjes është e të gjithëve, karshi një skuadre të dobët siç është Kukësi.
Të gjithë janë përgjegjës, lojtarët në fushë, edhe tifozi më fanatik i Kukësit nuk do ta besonte që dje Kukësi do të kualifikohej.
Jo vetëm sepse Partizani kishte fituar ndeshjen e parë në Kukës, por Partizani është një skuadër që e kishte me detyrim për ta fituar Kupën dhe drejtuesit ishin shprehur shumë herë se do të shkojnë deri në fund e do ta fitojnë.
Nuk arriti ta fitoje, u eliminua në mënyre të turpshme, kishin skuadër më të dobët si Kukësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
