Ushtria ruse nuk kursen aspak njerëzit e pambrojtur dhe infrastrukturën civile në Ukrainë. Këtë e dëshmojnë sulmet e fundit, të cilat kishin si objektiv një qendër tregtare në jug të Ukrainës.
Sulmi i tmerrshëm ajror ka ndodhur në Nikopol, ku aeroplanë rusë hodhën bomba mbi këtë qendër tregtare.
Ky qytet industrial gjendet pranë lumit Dnipro dhe ka qenë shumë shpesh vend i sulmeve ajrore duke goditur kryesisht objektet civile, raportojnë mediat ndërkombëtare.
“Për ta lokalizuar zjarrin në terren kanë dalë mbi 70 zjarrfikës, që iu deshën mbi pesë orë për ta vënë situatën nën kontroll”, tha guvernatori rajonal.
Kjo nuk është hera e parë që qendrat tregtare janë vënë në shënjestër të forcave ruse, skena të tilla represioni janë parë edhe në qytet tjera të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
