Gjykata Ndërkombëtare Penale duhet të jetë objektive dhe të respektojë të drejtën ndërkombëtare, tha të hënën zëdhënësi i Ministrisë së Jashtme kineze Wang Wenbin.
Gjykata Ndërkombëtare Penale duhet t’i përmbahet një qëndrimi objektiv dhe të paanshëm dhe të respektojë imunitetin juridiksional që gëzon çdo kryetar shteti në përputhje me të drejtën ndërkombëtare.
Më 17 mars, GJNP-ja lëshoi urdhra arresti për Presidentin rus Vladimir Putin dhe komisioneren për të drejtat e fëmijëve Maria Lvova-Belova të akuzuar për “deportim të paligjshëm” të fëmijëve ukrainas.
Ndërsa komentoi këtë vendim, zëdhënësi i Presidentit rus Dmitry Peskov deklaroi se Moska nuk e njeh juridiksionin e GJNP-së.
Zëdhënësja e Ministrisë së Jashtme ruse, Maria Zakharova, tha nga ana e saj se vendimet e GJNP-së ishin të pakuptimta për Rusinë dhe urdhër-arrestet ishin ligjërisht të pavlefshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
