Një grup prokurorësh belg ndodhen prej tre ditësh në Shqipëri. Mësohet ata kërkojnë të marrin në pyetje kreun e opozitës Lulzim Bashës lidhur me çështjen “Toyota Yaris”.
Burime brenda SPAK-ut dhe Prokurorisë së Tiranës bëjnë me dije për MCN TV se Lulzim Basha duhet të pyetet për llogari të hetimeve për shtetin belg.
Prej më shumë se një orësh grupi i prokurorëve dhe oficerëve të policisë belge zhvilluan një takim me drejtuesen e Prokurorisë së Tiranës Elisabeta Ymeraj.
Kujtojmë që një shumë prej 3.4 milionë euro u gjet në qershor të 2018-ës në Portin e Durrësit në një makinë tip “Toyota Yaris”. SPAK dyshon se shuma e futur ilegalisht në vendin tonë buron nga aktivitete të paligjshme në Belgjikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
